આજથી, UPI ચુકવણી 50% ઝડપી થઈ ગઈ છે. એટલે કે, હવે તમારી ચુકવણી મહત્તમ 15 સેકન્ડમાં પૂર્ણ થઈ જશે, તમારે પહેલાની જેમ 30 સેકન્ડ રાહ જોવી પડશે નહીં. નેશનલ પેમેન્ટ્સ કોર્પોરેશન ઓફ ઈન્ડિયા એટલે કે NPCIએ ગયા મહિને UPI સંબંધિત કેટલાક નિયમોમાં ફેરફાર કર્યા હતા જે આજથી 16 જૂનથી અમલમાં આવ્યા છે.
પહેલા જ્યારે તમે ફોનપે, ગુગલપે અથવા પેટીએમ જેવી યુપીઆઈ એપ્સ દ્વારા ચુકવણી કરતા હતા, ત્યારે ક્યારેક વ્યવહાર પૂર્ણ થવામાં 30 સેકન્ડ જેટલો સમય લાગતો હતો, પરંતુ ગયા મહિને એનપીસીઆઈએ બેંકો અને પેમેન્ટ એપ્સને તેમની સિસ્ટમ અપગ્રેડ કરવા કહ્યું હતું જેથી ચુકવણી ફક્ત 15 સેકન્ડમાં થઈ શકે. આ નિયમો આજથી અમલમાં આવ્યા છે.
NPCIએ API એટલે કે એપ્લિકેશન પ્રોગ્રામિંગ ઇન્ટરફેસ સાથે સંબંધિત કેટલીક તકનીકી બાબતોમાં ફેરફાર કર્યો છે. સરળ ભાષામાં કહીએ તો આ તે સોફ્ટવેર સિસ્ટમ્સ છે જે તમારા પેમેન્ટને એક બેંકમાંથી બીજી બેંકમાં ટ્રાન્સફર કરે છે.