પાકિસ્તાનના વડાપ્રધાન શાહબાઝ શરીફને મળવા ઈસ્લામાબાદ આવેલા જર્મન મંત્રી ગુસ્સે થઈ ગયા. હકીકતમાં થયું એવું કે, શહેબાઝ શરીફ જર્મનીના આર્થિક સહકાર અને વિકાસ મંત્રી સ્વાનિયા શૂલજાને તેમના સત્તાવાર નિવાસસ્થાને મળવા જઈ રહ્યા હતા.
શહબાઝ શરીફના નિવાસસ્થાને જતા પહેલા મંત્રીને પાકિસ્તાની સુરક્ષા અધિકારીઓએ રોક્યા અને તેમની બેગ ત્યાં જ છોડી દેવા કહ્યું. જેથી કરીને તેની તપાસ કરી શકાય. શૂલજાએ આમ કરવાની ના પાડી અને પાછા જવા લાગ્યા. જો કે, આ પછી સુરક્ષા અધિકારીઓએ તેમને તેમની બેગ સાથે અંદર જવા દીધા હતા.
આ દરમિયાન તેમની સાથે જર્મન એમ્બેસેડર આલ્ફ્રેડ ગ્રેનાસ પણ હાજર હતા. આ ઘટનાનો વીડિયો વાઇરલ થઈ રહ્યો છે. આ વીડિયોમાં પાકિસ્તાની ઓફિસરને એમ કહેતા સાંભળી શકાય છે કે આ પ્રોટોકોલ છે.