રાજકોટની પ્રાદેશિક વાહન વ્યવહાર કચેરી દ્વારા નવી મોટર સાયકલ પ્રકારના વાહનો માટે નવી સિરિઝ જી.જે.03 એન.આર. સિરીઝની હરરાજી 20મી ઓગસ્ટથી શરૂ થશે. આ સિરીઝ તથા અગાઉની સિરીઝના બાકી રહેતા ગોલ્ડન સિલ્વર નંબર મેળવવા માટે ઇચ્છુક વાહનમાલિકોએ તેમના વાહનોનું રજિસ્ટ્રેશન કર્યા બાદ, http: // parivahan.gov.in/fancy પર ઓનલાઈન રજિસ્ટ્રેશન કરીને ઓક્શનમાં ભાગ લઈ શકશે. ઓક્શનમાં ગોલ્ડન-સિલ્વર નંબર મેળવવા માટે 20મી ઓગસ્ટ સાંજ 4 થી 27મી ઓગસ્ટ સાંજે 4 સુધીમાં ઓનલાઈન અરજી કરવાની રહેશે. 27 તથા 28 ઓગસ્ટે ઓનલાઈન ઓક્શનમાં બિડિંગ પૂર્ણ થયા બાદ 29મી ઓગસ્ટે સાંજે 4.15 સુધીમાં પરિણામ ઓનલાઈન જાહેર થશે. આ ઉપરાંત રાજકોટની પ્રાદેશિક વાહન વ્યવહાર કચેરી દ્વારા HGV (ટ્રાન્સપોર્ટ) પ્રકારના વાહનો માટે જી.જે.03 બી.ઝેડ. સિરિઝનું રી-ઓક્શન 21 ઓગસ્ટથી શરૂ થશે, જેના ગોલ્ડન – સિલ્વર નંબર મેળવવા માટે ઇચ્છુક વાહનમાલિકો તેમના વાહનોનું રજિસ્ટ્રેશન કર્યા બાદ, http: // parivahan.gov.in/fancy પર ઓનલાઈન રજિસ્ટ્રેશન કરીને રી-ઓક્શનમાં ભાગ લઈ શકશે. ઓક્શનમાં ગોલ્ડન-સિલ્વર નંબર મેળવવા માટે 21 મી ઓગસ્ટ થી 24 મી ઓગસ્ટ સાંજે 4 સુધીમાં ઓનલાઈન અરજી કરવાની રહેશે. 24 થી 26 ઓગસ્ટે ઓનલાઈન ઓક્શનમાં બિડિંગ પૂર્ણ થયા બાદ 27 મીના કચેરીમાં ફોર્મ જમા કરવાના રહેશે.