ફૂડ સેફ્ટી એન્ડ સ્ટાન્ડર્ડ ઓથોરિટી ઓફ ઈન્ડિયા (FSSAI) એ તમામ મીડિયા અહેવાલોને રદિયો આપ્યો છે જેમાં એવો દાવો કરવામાં આવ્યો હતો કે ભારતીય ખાદ્ય નિયંત્રક જડીબુટ્ટીઓ અને મસાલાઓમાં નિર્ધારિત ધોરણ કરતાં 10 ગણા વધુ જંતુનાશકો ઉમેરવાની મંજૂરી આપે છે.
FSSAIએ એક અખબારી યાદીમાં જણાવ્યું છે કે ‘આવા તમામ સમાચાર ખોટા અને પાયાવિહોણા છે. ભારતમાં મહત્તમ અવશેષ સ્તર (MRL) એ વિશ્વના સૌથી કડક ધોરણોમાંનું એક છે. જંતુનાશકોના એમઆરએલ તેમના જોખમ મૂલ્યાંકનના આધારે વિવિધ ખાદ્ય સામગ્રી માટે અલગથી નક્કી કરવામાં આવે છે.
કેટલાક જંતુનાશકો માટે મર્યાદા વધારવામાં આવી હતી
જો કે, FSSAI એ સ્વીકાર્યું કે અમુક જંતુનાશકો ભારતમાં કેન્દ્રીય જંતુનાશક બોર્ડ અને નોંધણી સમિતિ (CIB&RC) પાસે નોંધાયેલા નથી. તેમના માટે, આ મર્યાદા 0.01 mg/kg થી 10 ગણી વધારીને 0.1 mg/kg કરવામાં આવી હતી.
આ માત્ર વૈજ્ઞાનિક પેનલની ભલામણ પર કરવામાં આવ્યું હતું. (CIB અને RC) જંતુનાશકોના ઉત્પાદન, આયાત-નિકાસ, પરિવહન અને સંગ્રહ વગેરેનું નિયમન કરે છે.
CIB અને RCમાં 295થી વધુ જંતુનાશકો નોંધાયેલા
ભારતમાં CIB અને RC સાથે 295 થી વધુ જંતુનાશકો નોંધાયેલા છે. તેમાંથી 139 જંતુનાશકો મસાલામાં વાપરી શકાય છે. જ્યારે, કોડેક્સે કુલ 243 જંતુનાશકો અપનાવ્યા છે, જેમાંથી 75નો ઉપયોગ મસાલામાં થઈ શકે છે.
કોડેક્સ એક વૈશ્વિક સંસ્થા છે જે ઉપભોક્તા આરોગ્યનું રક્ષણ કરે છે અને ખાદ્ય વ્યવસાયનું નિરીક્ષણ કરે છે. તે આંતરરાષ્ટ્રીય સરકારી અને બિન-સરકારી સંસ્થાઓ વચ્ચે ખાદ્ય ધોરણો નક્કી કરવા અને લાગુ કરવાની મંજૂરી આપે છે.