ડોનાલ્ડ ટ્રમ્પના ટેરિફ નિવેદન પર મેક્સિકોએ ચેતવણી આપી છે. પ્રમુખ ક્લાઉડિયા શિનબામે જણાવ્યું હતું કે, જો યુએસ મેક્સિકો પર ટેરિફ વધારશે, તો તે પણ તેના જવાબમાં ટેરિફ વધારશે.
શિનબામે ટ્રમ્પના નિવેદન પર પણ પ્રતિક્રિયા આપી છે જેમાં તેમણે દાવો કર્યો હતો કે, મેક્સીકન રાષ્ટ્રપતિ અમેરિકામાં સ્થળાંતર રોકવા માટે તેની સરહદો સીલ કરવા માટે તૈયાર છે. શિનબામ કહ્યું કે, તેનો સરહદ સીલ કરવાનો કોઈ ઇરાદો નથી.
મેક્સિકોના અર્થતંત્ર પ્રધાન માર્સેલો એબ્રાર્ડે પણ અમેરિકાને પ્રાદેશિક વેપાર યુદ્ધ શરૂ કરવાની ચેતવણી આપી છે. તેમણે કહ્યું કે, અમેરિકાનું આ પગલું પોતાના પગમાં કુહાડી મારવા જેવું હશે. જેના કારણે 4 લાખ અમેરિકન લોકો તેમની નોકરી ગુમાવી શકે છે.