ફિલ્મ ‘આયુષ્મતિ ગીતા મેટ્રિક પાસ’ થી ડેબ્યૂ કરનારી એક્ટ્રેસ કશિકા કપૂરે કાસ્ટિંગ કાઉચ અંગેનો પોતાનો અનુભવ શેર કર્યો. કશિકાએ જણાવ્યું કે તેણે ઘણા ઓડિશન આપ્યા, પરંતુ મોટાભાગના કિસ્સાઓમાં વાત કાસ્ટિંગ કાઉચ સુધી પહોંચી હતી. કેટલાક ડિરેક્ટરો ખુલ્લેઆમ કહેતા કે જો તારે કામ જોઈતું હોય તો મારી સાથે સૂવું પડશે.
એક નિખાલસ મુલાકાતમાં વાત કરતા કશિકા કપૂરે કહ્યું, ‘જ્યારે હું મુંબઈ આવી ત્યારે મેં ઓછામાં ઓછા 150 ઓડિશન આપ્યાં અને તે બધામાં મને રિજેક્શનનો સામનો કરવો પડ્યો.’ છતાં મેં ક્યારેય હાર માની નહીં.
કશિકાએ કહ્યું, ‘આ સમય દરમિયાન, મને ઉદ્યોગનું કાળું સત્ય પણ જોવા મળ્યું.’ એકવાર મને રાત્રે ત્રણ વાગ્યે એક ડિરેક્ટરનો ફોન આવ્યો. તેણે મને સ્પષ્ટ કહ્યું કે તે મને કામ આપશે, પણ બદલામાં મારે તેની સાથે સૂવું પડશે. હું હંમેશા તેનો ઇનકાર કરતી હતી કારણ કે મને લાગતું હતું કે જ્યારે હું દસ વર્ષ પછી મારી જાતને જોઉં, ત્યારે મને કોઈ પણ પ્રકારનો અફસોસ ન હોવો જોઈએ.’
કશિકાએ આગળ કહ્યું, ‘કાસ્ટિંગ ડિરેક્ટરોએ મને ઘણી વાર ફોન કર્યો અને ઓફરો આપી, પણ મેં ના પાડી.’ મને થતું કે આ લોકો ઊંઘતા કેમ નથી. કેવા પ્રકારના લોકો છે આ જે આટલી મોડી રાત્રે વિચાર્યા વગર ફોન કરે છે. જોકે, મારા મનમાં એક જ વાત હતી કે જો મારે કંઈક બનવું હોય તો મારે સખત મહેનત કરવી પડશે અને તેના કારણે જ આજે હું અહીં સુધી પહોંચી છું.’