ગયા અઠવાડિયે શેરબજારમાં ઉતાર-ચઢાવ વચ્ચે દેશની ટોપ-10 કંપનીઓમાંથી પાંચને ભારે નુકસાન વેઠવું પડ્યું છે. આ પાંચ કંપનીઓનું કમ્બાઈન્ડ માર્કેટ કેપિટલાઇઝેશન (માર્કેટ કેપ) 1.02 લાખ કરોડ રૂપિયા ઓછું થઈ ગયું છે.
સૌથી વધુ ઝટકો HDFC બેંકને પડ્યો છે, જેની વેલ્યુમાં એકલા 56,000 કરોડ રૂપિયાથી વધુનો ઘટાડો થયો. જ્યારે બીજી તરફ, રિલાયન્સ ઇન્ડસ્ટ્રીઝ અને ભારતી એરટેલ જેવી કંપનીઓએ બજારના ઘટાડા છતાં પોતાની વેલ્યુ વધારી છે.
HDFC બેંકને 56,124 કરોડનો ઝટકો
માર્કેટ કેપમાં ઘટાડાના મામલે HDFC બેંક સૌથી આગળ રહ્યું. બેંકની વેલ્યુ 56,124.48 કરોડ રૂપિયા ઘટીને 12,01,267.28 કરોડ રૂપિયા પર આવી ગઈ. આ ઉપરાંત FMCG કંપની હિન્દુસ્તાન યુનિલિવર (HUL)ની માર્કેટ વેલ્યુમાં 18,009.62 કરોડ રૂપિયાનો ઘટાડો થયો.