જીપીએસસીની તૈયારીઓ કરી રહેલા ઉમેદવારો માટે જુદી જુદી 9 જગ્યાની પ્રાથમિક કસોટીની તારીખ જાહેર કરવામાં આવી છે. ગુજરાત પબ્લિક સર્વિસ કમિશન દ્વારા મહત્ત્વની ગણાતી 9 પરીક્ષાઓની સામાન્ય અભ્યાસ અને સંબંધિત વિષયની પ્રાથમિક પરીક્ષાની તારીખો જાહેર કરવામાં આવી છે. કુલ 9 જાહેરાતની પ્રાથમિક કસોટી 23 ફેબ્રુઆરીએ યોજાશે, જ્યારે સંબંધિત વિષયોની પ્રાથમિક કસોટી અલગ અલગ તારીખે લેવાશે.
કમિશને જે જગ્યાની પરીક્ષાની તારીખ જાહેર કરી છે તેમાં અધિક સિટી ઈજનેર (સિવિલ, વર્ગ-1) GMC, મદદનીશ ઈજનેર (યાંત્રિક, વર્ગ-2-GMC), મદદનીશ ઈજનેર(યાંત્રિક,વર્ગ-2), નાયબ કાર્યપાલક ઈજનેર (યાંત્રિક વર્ગ-2), સાયન્ટિફિક ઓફિસર (ભૌતિકશાસ્ત્ર, વર્ગ-2), મદદનીશ નિયંત્રક કાનૂની માપવિજ્ઞાન અને ગ્રાહક સુરક્ષા અધિકારી (વર્ગ-2), નાયબ કાર્યપાલક ઈજનેર (સિવિલ, વર્ગ-2, GMC), અધિક મદદનીશ ઈજનેર (સિવિલ, વર્ગ-3, GMC), અધિક મદદનીશ ઈજનેર (વિદ્યુત, વર્ગ-3-GMC)નો સમાવેશ કરાયો છે. GPSC દ્વારા જે 9 પરીક્ષાની તારીખો જાહેર કરવામાં આવી છે તેમાં સામાન્ય અભ્યાસની પ્રાથમિક કસોટી 23 ફેબ્રુઆરીએ એક જ દિવસમાં યોજાશે. જ્યારે સંબંધિત વિષયની પ્રાથમિક કસોટી 6 ફેબ્રુઆરીથી લઈ 20 એપ્રિલ સુધી અલગ અલગ તારીખો જાહેર કરવામાં આવી છે.