અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે શનિવારે એટલાન્ટામાં રેલી યોજી હતી. આ દરમિયાન, તેમણે તેના સમર્થકોનો પરિચય જ્યોર્જિયાના એક અશ્વેત કાર્યકર્તા સાથે કરાવ્યો, જેનું નામ માઇકલા મોન્ટગોમરી હતું. ટ્રમ્પે જણાવ્યું કે, તે પછી તેઓ મોન્ટગોમેરીને એક રેસ્ટોરન્ટમાં મળ્યા હતા. જ્યારે તેઓ રાષ્ટ્રપતિ હતા.
ટ્રમ્પે કહ્યું કે, ક્લાર્ક એટલાન્ટા યુનિવર્સિટીમાં ભણેલા મોન્ટગોમેરીએ તેમને ઓળખ્યા અને બ્લેક કોલેજો અને યુનિવર્સિટીઓને ભંડોળ પૂરું પાડવાના તેમના કામ માટે તેમની પ્રશંસા કરી. કાર્યકર્તાએ કહ્યું હતું કે, તમે મારી કોલેજ બચાવી છે.
આના પર ટ્રમ્પે તેને પૂછ્યું કે તે તેને કેવી રીતે ઓળખે છે. મોન્ટગોમેરીના વખાણ કરતા ટ્રમ્પે કહ્યું કે તે ખૂબ જ સ્માર્ટ અને બુદ્ધિશાળી છે. ટ્રમ્પે કહ્યું કે મોન્ટગોમેરીએ તેને પકડીને કિસ કરી હતી. આના પર ટ્રમ્પે મજાકના સ્વરમાં કહ્યું હતું કે હવે હું ફર્સ્ટ લેડી (ટ્રમ્પની પત્ની) પાસે મારા ઘરે જઈ શકીશ નહીં.
ટ્રમ્પે કહ્યું કે મોન્ટગોમરી ખૂબ જ સ્માર્ટ છે, જેનું ભવિષ્ય ઉજ્જવળ છે. ટ્રમ્પે તેમને શક્ય તેટલી મદદ કરવાનું વચન આપ્યું હતું. મોન્ટગોમેરીએ જણાવ્યું કે તે અમેરિકામાં પ્રિઝર્વ ધ કલ્ચર નામની સંસ્થા ચલાવે છે. તેનો હેતુ અશ્વેત લોકોની સંસ્કૃતિને બચાવવાનો છે.