ઓસ્ટ્રેલિયા અને સાઉથ આફ્રિકાએ વર્લ્ડ ટેસ્ટ ચેમ્પિયનશિપ (WTC)ના 2023-25 સીઝનના ફાઈનલ માટે પોતપોતાની પ્લેઇંગ-11 ટીમ જાહેર કરી છે. ઓસ્ટ્રેલિયન ટીમનું નેતૃત્વ પેટ કમિન્સ કરશે, જ્યારે સાઉથ આફ્રિકાની ટીમનું નેતૃત્વ ટેમ્બા બાવુમા કરશે. આ મેચ 11 જૂન, 2025 થી લોર્ડ્સ સ્ટેડિયમ ખાતે રમાશે.
મેચના એક દિવસ પહેલા બંને ટીમની પ્લેઇંગ-11 જાહેર કરવામાં આવી છે. મંગળવારે ઓસ્ટ્રેલિયાના કેપ્ટન પેટ કમિન્સે કહ્યું કે માર્નસ લાબુશેન ઉસ્માન ખ્વાજા સાથે ઓપનિંગ કરશે. તે જ સમયે, સાઉથ આફ્રિકાના કેપ્ટન ટેમ્બા બાવુમાએ કહ્યું કે રાયન રિકેલ્ટન એડન માર્કરમ સાથે ઇનિંગની શરૂઆત કરશે.
ઓસ્ટ્રેલિયન ટીમ સતત બીજી સાયકલ માટે ફાઈનલમાં પહોંચી છે. ટીમે ભારતને હરાવીને છેલ્લા સાયકલનો ખિતાબ જીત્યો હતો. તે જ સમયે, સાઉથ આફ્રિકાની ટીમ પ્રથમ વખત વર્લ્ડ ટેસ્ટ ચેમ્પિયનશિપની ફાઈનલ મેચ રમવા જઈ રહી છે.