એક્ટર-ડિરેક્ટર અરબાઝ ખાન અને તેમની પત્ની શૂરા ખાન સમાચારમાં છે. બંને વિશે એક સમાચાર આવી રહ્યા છે કે આ કપલ ટૂંક સમયમાં માતા-પિતા બનવાનું છે.
અરબાઝ અને શૂરાનો વીડિયો સોશિયલ મીડિયા પર વાયરલ થઈ રહ્યો છે. વીડિયોની શરૂઆતમાં, અરબાઝ શૂરાનો હાથ પકડીને તેને ક્લિનિક લઈ જતો જોવા મળે છે. આ દરમિયાન, શૂરાનું ધ્યાન કેમેરા પર પડે છે. જ્યારે તે અરબાઝને કહે છે કે કોઈ તેમને રેકોર્ડ કરી રહ્યું છે, ત્યારે અરબાઝ તરત જ શૂરા આડે આવે છે. વીડિયો જોયા પછી, લોકો કહી રહ્યા છે કે અરબાઝ શૂરાનો બેબી બમ્પ છુપાવવાનો પ્રયાસ કરી રહ્યો છે.
એક તરફ, શૂરા ખાનની પ્રેગ્નેન્સીના સમાચાર બહાર આવી રહ્યા છે. બીજી તરફ, કેટલાક લોકો દાવો કરી રહ્યા છે કે શૂરા પ્રેગ્નેન્ટ નથી. લોકો કહે છે કે શૂરા જે ક્લિનિકમાં ગઈ હતી તે મેટરનિટી ક્લિનિક નહોતું પણ મહિલા ફાઇબ્રોઇડ ક્લિનિક હતું. જ્યારે અરબાઝ અને શૂરા ડૉ. સિન્હાના ક્લિનિકની બહાર જોવા મળ્યા, ત્યારે લોકોએ તેની પ્રેગ્નેન્સીના સમાચારને માત્ર અફવા ગણાવી.