મુંબઈ હુમલાનો માસ્ટરમાઇન્ડ હાફિઝ સઈદનો સાળો અને આતંકવાદી અબ્દુલ મક્કીનું આજે હૃદયરોગના હુમલાથી મોત થયું છે. મક્કી છેલ્લા કેટલાક દિવસોથી બીમાર હતો. હાઈ સુગરના કારણે લાહોરની એક ખાનગી હોસ્પિટલમાં તેની સારવાર ચાલી રહી હતી.
અબ્દુલ મક્કી આતંકી સંગઠન જમાત-ઉદ-દાવાનો નાયબ ચીફ પણ હતો. 2020માં તેને આતંકવાદી ભંડોળ માટે અદાલત દ્વારા 6 મહિનાની સજા પણ કરવામાં આવી હતી. સજા બાદ તેણે પોતાની જાતને લો પ્રોફાઇલ રાખી હતી. 2023માં સંયુક્ત રાષ્ટ્રએ તેને વૈશ્વિક આતંકવાદી જાહેર કર્યો હતો.