જસદણ તાલુકા સહકારી ખરીદ વેચાણ સંઘની 11 બેઠકોની ચૂંટણીનું જાહેરનામું ચૂંટણી અધિકારી અને જસદણના મામલતદાર એમ.સી.રાજ્યગુરુ દ્વારા પ્રસિદ્ધ કરવામાં આવ્યું છે.જસદણ મામલતદારે જારી કરેલા જાહેરનામા મુજબ 5 ફેબ્રુઆરી સુધી સવારે 11 થી બપોરે 3 કલાક સુધી ઉમેદવારીપત્રો જસદણ મામલતદાર કચેરી ખાતેથી મેળવી શકાશે. ઉમેદવારીપત્રો રજૂ કરવાની છેલ્લી 6ઠ્ઠી ફેબ્રુઆરી છે. આ દિવસો દરમિયાન ભરાયેલા ઉમેદવારીપત્રોની યાદી પ્રસિદ્ધ કરાશે.
7મી ફેબ્રુઆરીએ ઉમેદવારીપત્રોની ચકાસણી થશે. જ્યારે 8 તથા 9મી ફેબ્રુઆરી સુધીમાં ઉમેદવારીપત્રો પાછા ખેંચી શકાશે. હરીફ ઉમેદવારોની આખરી યાદી પ્રસિદ્ધિ 12મી ફેબ્રુઆરીએ બપોરે 12 કલાકે થશે.મતદાન 22મી ફેબ્રુઆરીએ સવારે 9 થી બપોરે 3 કલાક સુધી જસદણ મામલતદાર કચેરી ખાતે થશે. જ્યારે મતગણતરી પણ આ જ દિવસે બપોરે 3.30 કલાકે કરાશે અને ત્યારબાદ ચૂંટણીનું પરિણામ જાહેર કરાશે.