અલ્બેનિયન વડાપ્રધાન એડી રામાએ ફરી એક વખત તેમના શાનદાર અંદાજથી લોકોનાં દિલ જીતી લીધાં છે. રોમમાં યુક્રેન રિકવરી કોન્ફરન્સમાં એડી રામા અને ઈટાલીનાં વડાંપ્રધાન જ્યોર્જિયા મેલોનીની મુલાકાતનો વીડિયો વાઈરલ થઈ રહ્યો છે. તેમણે કોન્ફરન્સ પહેલાં મેલોની સાથે મુલાકાત દરમિયાન ઘૂંટણિયે બેઠી અભિવાદન કર્યું. પછી સ્ટેજ પર આવી બંને એકબીજાને ભેટ્યાં હતાં. સારા મિત્રોની જેમ મળતાં આ બંને દેશના વડાઓના લોકો વખાણ કરી રહ્યા છે. આ પહેલાં મે મહિનામાં ઈટાલીનાં વડાંપ્રધાન જ્યોર્જિયા મેલોનીની અલ્બેનિયા મુલાકાત દરમિયાન આવો જ વીડિયો સામે આવ્યો હતો. વડાપ્રધાન એડી રામાએ ઘૂંટણિયે બેસીને જ તેમનું સ્વાગત કર્યું હતું. રેડ કાર્પેટ પર બેસીને રામાએ મેલોનીને નમસ્તે પણ કર્યું હતું. તેમનો આ શાનદાર અંદાજ વરસાદમાં પણ અકબંધ રહ્યો હતો.