અમેરિકા-ઇઝરાયલ-ઈરાન યુદ્ધ વચ્ચે, 12 માર્ચે શેરબજારમાં સતત ત્રીજા દિવસે ઘટાડો જોવા મળ્યો. સેન્સેક્સ 1470 પોઈન્ટ (1.93%) ઘટીને 74,564 પર બંધ થયો. નિફ્ટી પણ 488 પોઈન્ટ (2.06%) ઘટીને 23,151 પર બંધ થયો. મેટલ, ઓટો અને બેંકિંગ શેરોમાં આજે સૌથી મોટો ઘટાડો જોવા મળ્યો.
12 માર્ચ, બજાર માટે ખરાબ દિવસ રહ્યો. સેન્સેક્સ 829.29 પોઈન્ટ ઘટીને 76,034.42 પર બંધ થયો. આ ઘટાડાને કારણે રોકાણકારોએ એક જ દિવસમાં લગભગ ₹2 લાખ કરોડ ગુમાવ્યા. વિદેશી રોકાણકારો (FII) એ પણ ગઈકાલે બજારમાંથી ભારે પીછેહઠ કરી, આશરે ₹7,049.87 કરોડના શેર વેચ્યા.
મિડલ ઈસ્ટ યુદ્ધના કારણે ₹23 લાખ કરોડ ડુબ્યા
મિડલ ઈસ્ટમાં તણાવ ફાટી નીકળ્યા પછી, ભારતીય શેરબજારમાં ભારે ઘટાડો જોવા મળ્યો છે. ઈરાન પર અમેરિકા અને ઇઝરાયલી હુમલાઓને કારણે છેલ્લા કેટલાક દિવસોમાં BSE સેન્સેક્સ 5,252 પોઈન્ટ (6.46%)થી વધુ ઘટ્યો છે.
એટલું જ નહીં, લિસ્ટેડ કંપનીઓનું કુલ માર્કેટ કેપ 463 લાખ કરોડ રૂપિયાથી ઘટીને લગભગ 440 લાખ કરોડ રૂપિયા થઈ ગયું છે. જ્યારે, 27 ફેબ્રુઆરીથી અત્યાર સુધીમાં રોકાણકારોની સંપત્તિમાં 23.44 લાખ કરોડ રૂપિયાનો ઘટાડો થયો છે.