ફેબ્રુઆરીમાં છૂટક મોંઘવારી વધીને 3.21% પર પહોંચી ગઈ છે. આ પહેલા જાન્યુઆરીમાં તે 2.74% હતી. આજે 12 માર્ચે આ આંકડા જાહેર કરવામાં આવ્યા છે. મોંઘવારીમાં આ વધારો એવા સમયે થયો છે જ્યારે ઇઝરાયલ-અમેરિકા અને ઇરાન વચ્ચે યુદ્ધ ચાલી રહ્યું છે.
નિષ્ણાતોનું માનવું છે કે જો આ યુદ્ધ લાંબુ ચાલશે તો ક્રૂડ ઓઇલના ભાવ 150 ડોલર પ્રતિ બેરલ સુધી પહોંચી શકે છે. આનાથી પેટ્રોલ-ડીઝલ મોંઘું થઈ શકે છે, જેનાથી માલસામાનના પરિવહનનો ખર્ચ વધશે અને ફળ-શાકભાજી સહિત દરેક જરૂરી ચીજવસ્તુઓની કિંમતો વધી જશે.
ખાવા-પીવાની વસ્તુઓના ભાવ વધવાથી મોંઘવારી વધી
મોંઘવારી વધવાનું સૌથી મોટું કારણ ખાદ્યપદાર્થોના ભાવમાં વધારો થવો છે. ફૂડ ઇન્ફ્લેશન ફેબ્રુઆરીમાં વધીને 3.47% પર પહોંચી ગયો. જાન્યુઆરીમાં આ આંકડો માત્ર 2.13% હતો.
ગ્રામીણ વિસ્તારોની સરખામણીમાં શહેરોમાં મોંઘવારી થોડી ઓછી રહી. ગ્રામીણ મોંઘવારી જાન્યુઆરીના 2.73% થી વધીને 3.37% થઈ ગઈ, જ્યારે શહેરી મોંઘવારી 2.75% થી વધીને 3.02% રહી.