અમેરિકા, ઇઝરાયલ અને ઈરાન વચ્ચેના સંઘર્ષને કારણે આજે 9 માર્ચે શેરબજારમાં નોંધપાત્ર ઘટાડો જોવા મળ્યો. સેન્સેક્સ 1,353 પોઈન્ટ (1.71%) ઘટીને 77,566 પર બંધ થયો.
નિફ્ટી પણ 422 પોઈન્ટ (1.73%) ઘટીને 24,028 પર બંધ થયો. બેંક, ઓટો, મેટલ, એનર્જી અને FMCG શેરોમાં આજે ભારે વેચવાલી જોવા મળી. ઈરાન યુદ્ધ વચ્ચે રોકાણકારોના ₹22 લાખ કરોડથી વધુ સ્વાહા થયા છે.
ડોલર સામે રૂપિયો ઓલ ટાઈમ લો પર
અમેરિકી ડોલર સામે રૂપિયો 46 પૈસા ઘટીને 92.28 પર પહોંચી ગયો છે, જે અત્યાર સુધીનો સૌથી નીચું સ્તર છે. મિડલ ઈસ્ટમાં બગડતી પરિસ્થિતિ વચ્ચે ક્રૂડ ઓઇલના ભાવમાં તીવ્ર વધારાને કારણે રૂપિયામાં આ નબળાઈ જોવા મળી છે.
ઈરાન અને ઈઝરાયલ-અમેરિકા વચ્ચેના યુદ્ધને કારણે રોકાણકારોની સંપત્તિમાં ₹22 લાખ કરોડથી વધુનો ઘટાડો થયો છે. યુદ્ધ શરૂ થયું તે પહેલાં, 27 ફેબ્રુઆરીએ, બોમ્બે સ્ટોક એક્સચેન્જ (BSE) પર લિસ્ટેડ બધી કંપનીઓનું કુલ માર્કેટ કેપ ₹4.63 લાખ કરોડ હતું. જોકે, યુદ્ધને કારણે બજારમાં થયેલા મોટા પાયે વેચવાલીથી, તે 9 માર્ચ સુધીમાં ઘટીને ₹4.41 લાખ કરોડ થઈ ગયું હતું.