અમેરિકા-ઇઝરાયલ અને ઈરાન યુદ્ધનો આજે સાતમો દિવસ છે. ઈરાને ગુરુવારે બહેરીનની સરકારી તેલ રિફાઇનરી BAPCO પર મિસાઈલથી હુમલો કર્યો. હુમલા બાદ રિફાઇનરીના એક યુનિટમાં આગ લાગી ગઈ. જોકે, બાદમાં આગ પર કાબૂ મેળવી લેવામાં આવ્યો હતો.
બહેરીનના રાષ્ટ્રીય સંચાર કેન્દ્રના જણાવ્યા અનુસાર, BAPCO એનર્જીસની આ રિફાઇનરી દેશના પૂર્વી તટ પર સ્થિત સિતરા ટાપુમાં છે. આ રાજધાની મનામાની દક્ષિણમાં આવેલું છે.
અધિકારીઓએ જણાવ્યું કે આ ઘટનામાં કોઈના ઘાયલ થવાના સમાચાર નથી અને રિફાઇનરીનું સંચાલન સામાન્ય રીતે ચાલુ છે. હાલમાં હુમલાથી થયેલા નુકસાનનું આકલન કરવામાં આવી રહ્યું છે.
આ હુમલો એવા સમયે થયો છે જ્યારે અમેરિકા અને ઇઝરાયેલના હુમલા બાદ ઈરાને ખાડી વિસ્તારમાં જવાબી કાર્યવાહી તેજ કરી દીધી છે. ક્ષેત્રમાં વધતા તણાવ વચ્ચે ઉર્જા માળખાને નિશાન બનાવવામાં આવતા વૈશ્વિક તેલ બજાર પર પણ અસર પડવાની આશંકા વ્યક્ત કરવામાં આવી રહી છે.