સરકારે ઓક્ટોબર-ડિસેમ્બર (Q4FY26) માટે સ્મોલ સેવિંગ સ્કીમ્સના વ્યાજ દરોમાં કોઈ ફેરફાર કર્યો નથી. એટલે કે, તમને પહેલા જેટલું જ વ્યાજ મળતું રહેશે. આવી સ્થિતિમાં, જો તમે રિકરિંગ ડિપોઝિટ (RD) કરાવવાનું વિચારી રહ્યા છો, તો પોસ્ટ ઓફિસ RD તમારા માટે યોગ્ય વિકલ્પ બની શકે છે.
તેના પર 6.70% વાર્ષિક વ્યાજ મળી રહ્યું છે. તેમાં 5 વર્ષ સુધી દર મહિને 2,000 રૂપિયા જમા કરવા પર 1 લાખ 43 હજાર રૂપિયાનું એકસાથે ભંડોળ તૈયાર કરી શકાય છે. અહીં અમે તમને પોસ્ટ ઓફિસ RD વિશે જણાવી રહ્યા છીએ…
સૌથી પહેલા સમજો કે RD શું છે?
પોસ્ટ ઓફિસની રિકરિંગ ડિપોઝિટ અથવા RD મોટી બચતમાં તમારી મદદ કરી શકે છે. તમે તેમાં દર મહિને પગાર આવે ત્યારે એક નિશ્ચિત રકમ જમા કરતા રહો અને 5 વર્ષ પછી મેચ્યોર થવા પર તમારા હાથમાં મોટી રકમ હશે. ઘરના ગલ્લામાં પૈસા જમા કરવા પર તમને વ્યાજ ન મળે, પરંતુ અહીં પૈસા જમા કરવા પર તમને સારું વ્યાજ પણ મળે છે.
5 વર્ષ સુધી દર મહિને 1 હજારના રોકાણ પર 71 હજારનું ફંડ બનશે
પોસ્ટ ઓફિસ RD માં જો તમે દર મહિને 1 હજાર રૂપિયાનું રોકાણ કરો છો, તો 6.7% વાર્ષિક વ્યાજ દર મુજબ 5 વર્ષ પછી મેચ્યોર થવા પર તે લગભગ 71 હજાર રૂપિયા થઈ જશે.
RD માં જમા પૈસા પર લોન લઈ શકો છો
RD પર લોન સુવિધા પણ મળે છે. એટલે કે, વચ્ચે પૈસાની જરૂર પડવા પર તમે RD તોડાવ્યા વગર તેના પર લોન પણ લઈ શકો છો. તેમાં પર્સનલ લોનની સરખામણીમાં ઓછા વ્યાજ પર લોન મળે છે. પોસ્ટ ઓફિસની 5 વર્ષની RD માં જો તમે સતત 12 હપ્તા જમા કરાવો છો તો તમે લોનની સુવિધાનો લાભ લઈ શકો છો. એટલે કે, આ સુવિધા લેવા માટે તમારે ઓછામાં ઓછા એક વર્ષ સુધી સતત રકમ જમા કરાવવી પડશે. એક વર્ષ પછી તમે તમારા ખાતામાં જમા રકમના 50% સુધી લોન લઈ શકો છો.
જો તમે RD પર લોન લો છો તો તમને લોનની રકમ પર વ્યાજ 2% + RD ખાતા પર લાગુ વ્યાજ દર તરીકે લાગુ પડશે. જેમ કે અત્યારે RD પર 6.7% વ્યાજ મળી રહ્યું છે, આવા કિસ્સામાં જો તમે અત્યારે RD પર લોન લો છો તો તમને 8.7% વાર્ષિક વ્યાજ દરે લોન મળશે.