પાડોશી યુવક સાથે નંબરની આપ-લે કરનાર પત્નીને પતિએ ઘરમાંથી બહાર કાઢી મૂકી હતી. બન્ને વચ્ચે ઝઘડો થયો હતો. આખરે પરિણીતાએ 181 ટીમને જાણ કરી હતી. અભયમની ટીમે બન્ને વચ્ચે સમાધાન કરાવ્યું હતું. જ્યારે અન્ય એક કિસ્સામાં પતિ પોતાના પત્નીને પરાણે કેફી દ્રવ્ય પીવડાવીને તેની સાથે મારકૂટ કરતા પરિણીતાની વ્યથાને 181ની ટીમે સાંભળી હતી.
રાજકોટમાં એક દંપતી રહેવા માટે આવ્યું હતું અને તેના લગ્નને 8 મહિના થયા હતા. મહિલાએ પોતાની ઘર સામે રહેતા પરિણીત યુવક સાથે ફોન નંબરની આપ-લે કરી હતી. આ બાબતની જાણ તેમના પતિને થતા તેઓ પીડિતાને ઘરમાં રાખવા માટે તૈયાર ન હતા તેમજ પીડિતાને પોતાના પતિ સાથે જ રહેવું હોવાથી તેણીએ 181ની મદદ લીધી હતી. 181ની ટીમે પીડિતાના પતિ સાથે ચર્ચા કરી તેમનું તથા તેમના પરિવારનું કાઉન્સેલિંગ કરી સમાધાન કરાવ્યું હતું.