9 જૂને સોનાના ભાવમાં ઘટાડો થયો છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાના 10 ગ્રામનો ભાવ ₹1,427 ઘટીને ₹95,718 થયો છે. અગાઉ સોનાનો ભાવ ₹97,145 પ્રતિ 10 ગ્રામ હતો.
તેમજ, 1 કિલો ચાંદીનો ભાવ ₹5 વધીને ₹1,05,290 ઓલ ટાઈમ હાઈ પર પહોંચ્યો છે. અગાઉ, ચાંદી ₹1,05,285 પ્રતિ કિલોગ્રામ પર પહોંચી હતી. 21 એપ્રિલના રોજ સોનાએ ₹99,100 ઓલ ટાઈમ હાઈ હતું.
કેડિયા એડવાઇઝરીના ડિરેક્ટર અજય કેડિયાના જણાવ્યા અનુસાર, આ વર્ષે સોનાએ અત્યાર સુધીમાં લગભગ 26% રિટર્ન આપ્યું છે, તેથી રોકાણકારો સોનામાં નફો બુક કરી રહ્યા છે. આને કારણે, સોનામાં વેચવાલી આવી છે જે થોડા દિવસો સુધી ચાલુ રહી શકે છે. આને કારણે, આગામી દિવસોમાં સોનામાં વધુ ઘટાડો થઈ શકે છે.
ભલે ભૂ-રાજકીય તણાવ હજુ પણ ચાલુ રહે, સોનાને આનાથી ટેકો મળી રહ્યો છે. આ ઉપરાંત, લગ્નની મોસમ દરમિયાન સોનાની માંગ પણ વધી રહી છે. આનાથી લાંબા ગાળે સોનામાં વધારો થતો રહેશે.