સાઉદી અરેબિયાના જેદ્દાહમાં 2 દિવસ ચાલેલું IPL મેગા ઓક્શન પૂર્ણ થઈ ગયું છે. હરાજીમાં 182 ખેલાડીઓ વેચાયા હતા, જેમાંથી 62 વિદેશી ખેલાડીઓ છે. રાઈટ ટુ મેચનો 8 વખત ઉપયોગ કરવામાં આવ્યો હતો. 10 ફ્રેન્ચાઇઝીએ રૂ. 639.15 કરોડનો ખર્ચ કર્યો હતો.
ઋષભ પંત ઈતિહાસનો સૌથી મોંઘો ખેલાડી બન્યો, તેને લખનઉ સુપર જાયન્ટ્સ (LSG)એ 27 કરોડ રૂપિયામાં ખરીદ્યો. 13 વર્ષની ઉંમરે ઓસ્ટ્રેલિયા સામે U-19માં સદી ફટકારનાર બિહારનો લેફ્ટ હેન્ડ બેટ્સમેન વૈભવ સૂર્યવંશી IPLનો સૌથી યુવા ખેલાડી બની ગયો છે. વૈભવને રાજસ્થાન રોયલ્સ (RR)એ ખરીદ્યો હતો.