અદાણી પાવરે બાંગ્લાદેશને વીજ બિલનું બાકી પેમેન્ટ ચુકવવા માટે ચાર દિવસનો સમય આપ્યો છે. કંપનીએ પહેલાથી જ બાંગ્લાદેશનો વીજ સપ્લાય અડધો કરી નાંખ્યો છે. ગ્રૂપ કંપની અદાણી પાવર ઝારખંડ લિમિટેડ (APJL) એ 846 મિલિયન ડોલર (લગભગ રૂ. 7,118 કરોડ)ની લેણી રકમની ચૂકવણી ન કરવાને કારણે આ પગલું ભર્યું છે.
બાંગ્લાદેશ પાવર ગ્રીડના ડેટા અનુસાર, APJLએ ગુરુવારે રાતથી વીજ સપ્લાયમાં આ કાપ મૂક્યો છે. આ કાપને કારણે બાંગ્લાદેશને એક રાતમાં 1,600 મેગાવોટ (MW) કરતાં વધુ વીજળીની અછતનો સામનો કરવો પડ્યો હતો. 1,496 મેગાવોટનો બાંગ્લાદેશી પ્લાન્ટ હવે 700 મેગાવોટ પર કાર્યરત છે.