ભારત વિરૂદ્ધ મુંબઈ ટેસ્ટની બીજી ઇનિંગમાં ન્યૂઝીલેન્ડની ટીમે 143 રનની લીડ મેળવી લીધી છે. બીજા દિવસની રમતના અંતે ટીમે 9 વિકેટના નુકસાન પર 171 રન બનાવી લીધા હતા.
આ પહેલા શનિવારે મેચના બીજા દિવસે ટીમ ઈન્ડિયા પહેલી ઇનિંગમાં 263 રનમાં ઓલઆઉટ થઈ ગઈ હતી. ટીમ કિવીઝ પર માત્ર 28 રનની લીડ લઈ શકી હતી. તે જ સમયે, ન્યૂઝીલેન્ડની ટીમે પ્રથમ દાવમાં 235 રન બનાવ્યા હતા.
જાડેજાએ 4 વિકેટ અને અશ્વિને 3 વિકેટ લીધી, યંગની ફિફ્ટી ન્યૂઝીલેન્ડ માટે વિલ યંગે બીજી ઇનિંગમાં અડધી સદી ફટકારી હતી. તેણે 100 બોલમાં 51 રન બનાવ્યા હતા. તેના સિવાય ગ્લેન ફિલિપ્સે 26, ડેવોન કોનવે 22, ડેરિલ મિચેલ 21 અને મેટ હેનરીએ 10 રન બનાવ્યા હતા. બાકીના 4 બેટર્સ ડબલ ફિગરને સ્પર્શી શક્યા ન હતા.
બીજી ઇનિંગમાં ભારત તરફથી રવીન્દ્ર જાડેજાએ સૌથી વધુ 4 વિકેટ ઝડપી હતી. તેણે આ મેચમાં અત્યાર સુધીમાં 9 વિકેટ ઝડપી છે, પ્રથમ દાવમાં 5 વિકેટ લીધી હતી. રવિચંદ્રન અશ્વિને 3 વિકેટ લીધી હતી. આકાશ દીપ અને વોશિંગ્ટન સુંદરને 1-1 વિકેટ મળી હતી.