પેરિસ પેરાલિમ્પિક્સના ચોથા દિવસે ભારતની શરૂઆત ખરાબ રહી હતી. 10 મીટર મિક્સ્ડ એર રાઈફલમાં અવની લેખારા અને સિદ્ધાર્થ બાબુ ક્વોલિફિકેશન રાઉન્ડમાંથી બહાર થઈ ગયા હતા. અવની 632.8 સાથે 11મા અને સિદ્ધાર્થ 628.3 સાથે 28મા ક્રમે રહ્યા હતા. અવનીએ બે દિવસ પહેલા મહિલાઓની 10 મીટર એર પિસ્તોલમાં ગોલ્ડ મેડલ જીત્યો હતો.
પેરા બેડમિન્ટનમાં ભારતની મનીષા અને નિત્યાએ સેમિફાઈનલમાં જગ્યા બનાવી લીધી છે. મનીષા રામદાસે શાનદાર પ્રદર્શન કર્યું અને જાપાનની મામીકો ટોયોડાને 21-13 અને 21-16થી હરાવ્યો. વુમન્સ સિંગલ્સની SH-6 ક્વાર્ટર ફાઈનલમાં, નિત્યા શ્રી સિવને પોલેન્ડની ઓલિવિયા સિઝ્મઝિએલને 21-4, 21-7થી પરાજય આપ્યો હતો.
પેરા રોઈંગની રેન્કિંગ ઈવેન્ટમાં ભારત ફાઈનલ બીમાં બીજા ક્રમે રહ્યું હતું. નારાયણ કોંગનાપલ્લે અને અનિતાની ભારતીય જોડીએ 8:16.96નો સમય લીધો હતો.