રાજકોટ નજીક મુંજકા ગામે આવેલા ટીટોળીયા કવાર્ટરમાં રહેતો ગૌતમ મહેશભાઈ સોલંકી (ઉ.વ.22) નામનો યુવાન આજે વહેલી સવારે પોતાના ઘરે હતો ત્યારે અચાનક ઉલ્ટી થયા બાદ બેભાન હાલતમાં તેનું મોત નિપજ્યું હતું. આ બનાવની જાણ થતાં યુનિવર્સિટી પોલીસ સ્ટાફે જરૂરી કાર્યવાહી કરી મૃતદેહને પોસ્ટમોર્ટમ અર્થે સિવિલ હોસ્પિટલ ખસેડ્યો હતો. પ્રાથમિક તપાસમાં મૃતક ગૌતમ એકનો એક પુત્ર હોવાનું અને રિલાયન્સ મોલમાં નોકરી કરતો હોવાનું સામે આવ્યું છે. તેના પિતા ઈમીટેશનનો વેપાર કરે છે. એકનો એક યુવાન પુત્ર ગુમાવી દેતાં પરિવારમાં શોક છવાઈ જવા પામ્યો છે. ઉલ્લેખનીય છે કે, યુવકનું મોત હાર્ટ એટેકના કારણે થયું હોવાનું પ્રાથમિક તારણ સામે આવ્યું છે.