રાજકોટ શરદી-ઉધરસના 590 સહિત વિવિધ રોગના 1306 કેસ

રાજકોટમાં કાળઝાળ ગરમી વચ્ચે શરદી-ઉધરસ અને તાવ સહિત વાયરલ ઈન્ફેક્શનના કેસોમાં સતત વધારો થઈ રહ્યો છે. જેમાં મનપા ચોપડે વિવિધ રોગોના મળીને કુલ 1306 કેસ નોંધાયા છે. તો તાપમાનનો પારો પણ વધતા આરોગ્ય વિભાગ દોડતું થયું છે. ગત સપ્તાહે વિવિધ રોગનાં કુલ 1609 કરતા વધુ કેસ નોંધાયા હતા. જેની સામે ચાલુ સપ્તાહે 1306 કેસ સામે આવ્યા છે. સતત બીજા સપ્તાહે ડેન્ગ્યુ, મેલેરિયા અને ટાઇફોઇડ તાવ જેવા રોગનાં 1-1 દર્દી સામે આવ્યાં છે. જોકે આંકડાઓ માત્ર મનપા સંચાલિત આરોગ્ય કેન્દ્રનાં છે. ત્યારે નાના મોટા ખાનગી ક્લિનિકો ધ્યાનમાં રાખીએ તો આંકડો 5 ગણો એટલે કે, 6,500 કરતા વધુ હોવાની શક્યતા છે.

મળતી માહિતી અનુસાર છેલ્લા એકાદ સપ્તાહથી શહેરની સૌથી મોટી સિવિલ હોસ્પિટલ તેમજ મનપા સંચાલિત આરોગ્ય કેન્દ્રોમાં દર્દીઓ મોટી સંખ્યામાં ઉમટી પડતા લાંબી કતારો જોવા મળી હતી. અને મનપાનાં ચોપડે વિવિધ રોગોનાં 1306 કેસ નોંધાયા હતા. જેમાં શરદી- ઉધરસના ગત સપ્તાહના 820 કેસ સામે આ સપ્તાહે 590 કેસ, ઝાડા-ઉલટીના 321 સામે 316 અને સામાન્ય તાવનાં 465 સામે 397 કેસ નોંધાયા છે. મચ્છરજન્ય રોગચાળામાં ડેન્ગ્યુ અને મેલેરિયાનો પણ 1-1 કેસ સામે આવ્યો છે. એટલું જ નહીં ટાઇફોઇડ તાવનો પણ એક કેસ સતત બીજા સપ્તાહે સામે આવતા ફોગીંગ સહિતની કામગીરી ઝડપી કરવામાં આવી છે.

Leave a Reply

Your email address will not be published. Required fields are marked *