શુભાંશુ શુક્લા સહિત ચાર અવકાશયાત્રી આજે 14 જુલાઈના રોજ સાંજે 4:45 વાગ્યે આંતરરાષ્ટ્રીય અવકાશ મથકથી પૃથ્વી માટે રવાના થયા. લગભગ 23 કલાકની મુસાફરી પછી તેમનું અવકાશયાન 15 જુલાઈના રોજ બપોરે 3 વાગ્યે સમુદ્રમાં ઊતરશે. આને સ્પ્લેશડાઉન કહેવામાં આવે છે.
અવકાશયાન 263 કિલોથી વધુ કાર્ગો સાથે પરત ફરશે. આમાં નાસાના હાર્ડવેર અને 60થી વધુ પ્રયોગોનો ડેટા સામેલ હશે. અવકાશ સંશોધન માટે આ ખૂબ જ મહત્ત્વપૂર્ણ છે.
ચારેય અવકાશયાત્રીઓ 26 જૂનના રોજ સાંજે 4:01 વાગ્યે ISS પહોંચ્યા. અવકાશયાત્રીઓ 25 જૂનના રોજ બપોરે 12 વાગ્યે એક્સિયમ મિશન 4 હેઠળ રવાના થયા. તેમણે કેનેડી સ્પેસ સેન્ટરથી સ્પેસએક્સના ફાલ્કન-9 રોકેટ સાથે જોડાયેલા ડ્રેગન કેપ્સ્યૂલમાં ઉડાન ભરી. ટેક્નિકલ ખામીઓ અને હવામાન સમસ્યાઓને કારણે આ મિશન 6 વખત મુલતવી રાખવામાં આવ્યું હતું.