રાજકોટમાં 11 વર્ષીય 3 મહિનાની બાળકીને કૌટુંબિક કાકાએ રૂમમાં પુરી અડપલાં કરી જાતીય સતામણી કાર્યનો બનાવ સામે આવતાં ચકચાર મચી ગઈ છે. બનાવ અંગે પ્રદ્યુમન નગર પોલીસે ગુનો નોંધી આરોપીની શોધખોળ શરૂ કરી છે. શહેરના 35 વર્ષીય મહિલાએ નોંધાવેલ ફરિયાદમાં જણાવ્યું હતું કે, તેઓને સંતાનમાં બે પુત્રી અને બે પુત્ર છે. જેમાં સૌથી મોટી પુત્રી સાથે તેઓ રાજકોટમાં આવેલ એક હોટલમાં કામ માટે જાય છે તેમજ અન્ય સંતાનો ઘરે હોય છે. આ દરમિયાન ગઈકાલે સાંજના સમયે કુટુંબિક દિયર ઘરે આવ્યો હતો અને જણાવ્યું કે, મારી પત્ની બીમાર છે, તેમને દવાખાને સારવાર માટે પણ લઈ જવી પડે તેમ છે.જેથી તમે તમારી એક પુત્રીને મારી ઘરે રસોઈ કરવા માટે મોકલો જેથી મહિલાએ તેમની વચ્ચે 11 વર્ષની પુત્રીને તેમને નાના પુત્ર સાથે આરોપીના ઘરે રસોઈ કરવા માટે મોકલી હતી.
સગીરા તેના નાનાભાઈ સાથે આરોપીના ઘરે રસોઈ કરવા માટે ગઈ હતી તે દરમિયાન આરોપીએ છેડતી કરવાની તક જોતો હતો પરંતુ, સગીરાનો ભાઈ સાથે હોય તેથી તેની કામના પૂરી થઈ શકે ન હતી. જે બાદ આરોપી સાંજના સમયે સગીરા અને તેના ભાઈને ઘરે મૂકવા માટે આવ્યો હતો ત્યારે પણ સગીરાનો ભાઈ સાથે હોય જેથી આરોપીએ સગીરાના ભાઈને સિગરેટ લેવા માટે બજારમાં મોકલી બાદમાં સગીરાને રૂમમાં પૂરી જાતીય સતામણી કરવા લાગ્યો હતો.તે દરમિયાન જ પડોશીઓને શંકા જતા તુરંત જ દોડી ગયા હતા અને દરવાજો ખોલતા આરોપી ત્યાંથી નાસી છૂટ્યો હતો.