શહેરમાં આમ્રપાલી ફાટક પાસે ચુડાસમા પ્લોટમાં સ્કોર્પિયોના ચાલકે કાબૂ ગુમાવતા નાસભાગ મચી ગઇ હતી. કાર સહિત સાત વાહનને ઠોકરે લેનાર સ્કોર્પિયોના ચાલક સગીરને પોલીસે તુરંત પકડી લઇ તેની સામે કાર્યવાહી કરી હતી.
પોલીસ સૂત્રોના જણાવ્યા મુજબ ભોમેશ્વર પાસે રહેતા સ્કોર્પિયોના સગીર ચાલકે યાજ્ઞિક રોડ પરથી પસાર થતા પોલીસે તેને અટકાવતા તેને સ્કોર્પિયો ભગાવી આમ્રપાલી અન્ડરબ્રિજ પાસેના ચુડાસમા પ્લોટ પાસે ત્રણેક કાર સહિત સાત વાહનને ઠોકરે લીધા હતા એ દરમિયાન કારનું ટાયર ફાટી જતા કાર ઊભી રહી જતા સદનસીબે કોઇ જાનહાનિ થઇ ન હતી. બનાવને પગલે પોલીસે કારચાલક સગીરને સકંજામાં લઇ તેની પૂછતાછ કરી વિશેષ કાર્યવાહી કરી હતી.