મહાનગરપાલિકાની સોલિડ વેસ્ટ મેનેજમેન્ટ શાખા દ્વારા શહેરના વિવિધ વિસ્તારોમાં શિફ્ટવાઈઝ નિયમિત સફાઈ કરવામાં આવી રહી છે. સફાઈ કામદારો દ્વારા શેરી-મહોલ્લામાં દરરોજ સફાઈ કરવામાં આવી રહી છે જે અન્વયે સોમવારે મ્યુનિસિપલ કમિશનર તુષાર સુમેરાએ વોર્ડ નં.8માં રૂબરૂ જઈને સફાઈ અંગે સરપ્રાઈઝ ફેરણી કરી હતી. ફેરણી દરમિયાન મ્યુનિસિપલ કમિશનરે રહેવાસીઓ સાથે સફાઈ બાબતે રૂબરૂ વાતચીત કરી હતી ત્યારબાદ વોર્ડ નં.8ના વિવિધ વિસ્તારમાં રૂબરૂ જઈને સફાઈની ચકાસણી કરી હતી.
આજે વહેલી સવારે મ્યુનિસિપલ કમિશનર તુષાર સુમેરાએ વોર્ડ નં.8ની સોલિડ વેસ્ટ મેનેજમેન્ટ શાખાની ઓફિસ જઈ સફાઈ કામદારની કામગીરી અને હાજર સફાઈ કામદારની સમીક્ષા કરી હતી ત્યારબાદ વોર્ડ નં.8ના વિવિધ વિસ્તારમાં રૂબરૂ જઈને સફાઈ અંગે નાગરિકોના રિવ્યૂ મેળવી નિયમિત સફાઈ કામગીરી અંગે ચકાસણી કરી હતી. ફેરણી અંગે મ્યુનિસિપલ કમિશનરે જણાવ્યું હતું કે, રાજકોટ મહાનગરપાલિકાની સોલિડ વેસ્ટ મેનેજમેન્ટ શાખા દ્વારા શહેરને ચોખ્ખું રાખવા માટે સફાઈ કામગીરી કરવામાં આવી રહી છે.