ઉત્તર આફ્રિકન દેશ મોરોક્કોમાં, આરોગ્ય અને શિક્ષણ સુધારાઓની માગણીઓથી ઉશ્કેરાયેલ Gen-Z આંદોલન હિંસક બન્યું. રાજધાની રબાતમાં પ્રદર્શનકારીઓએ એક બેંકને આગ ચાંપી દીધી અને ઘણી દુકાનો અને વાહનોમાં તોડફોડ કરી.
અગાદિર શહેરમાં પોલીસ ગોળીબારમાં ત્રણ યુવાનો માર્યા ગયા. એક હજારથી વધુ લોકોની ધરપકડ કરવામાં આવી. 354 લોકો ઘાયલ થયા, જેમાંથી મોટાભાગના સુરક્ષા કર્મચારીઓ હતા. મંત્રાલયના જણાવ્યા અનુસાર, લગભગ 70% વિરોધીઓ સગીર હતા.
દેશમાં જાહેર હોસ્પિટલોની તીવ્ર અછત હોવા છતાં, મોરોક્કન સરકાર 2030 ફિફા વર્લ્ડ કપ અને આફ્રિકા કપ ઑફ નેશન્સ માટે $10 બિલિયન (આશરે રૂ. 8.8 લાખ કરોડ) ખર્ચ કરી રહી છે.