કુવાડવા ગામે રહેતો અને ડ્રાઇવિંગ કામ કરતો ચિરાગ દિનેશભાઇ ગોહેલ (ઉ.23) તેના ગામમાં કિશન પ્રોવિઝન સ્ટોર નામની દુકાને હતો ત્યારે તેના કાકાનો પુત્ર અજય કિશોરભાઇ ગોહેલ નંબરવાળા ચશ્મા પહેરતો હોય અને તેને મશ્કરીનો વ્યવહાર હોય જેથી તેને કહ્યું કે, કા બાડા કેમ છે. જેથી તેની સાથે જીતુએ ઝઘડો કરતાં તેના કાકાએ સમજાવીને છૂટા પાડ્યા હતા. દરમિયાન તેની પત્ની બહારગામથી આવતી હોય તેને તેડીને બન્ને પગપાળા બહાર જમવા જતા હતા ત્યારે અજય અને જીતુએ બાઇકમાં ધસી આવી લોખંડના પાઇપ વડે હુમલો કરતાં તેની પત્નીએ દેકારો કરતાં બન્ને નાસી જતા તેને સારવાર માટે હોસ્પિટલમાં ખસેડાયા હતા. બનાવને પગલે કુવાડવા પોલીસે બન્ને આરોપી સામે ગુનો નોંધી તેની ધરપકડ કરવાની કાર્યવાહી કરી હતી.