આધુનિક યુગમાં ગુનેગારો હવે સાત સમુંદર પાર બેસીને સ્થાનિક શહેરોમાં ગુનાહિત કૃત્યો આચરી રહ્યા છે. આવો જ એક ચોંકાવનારો કિસ્સો રાજકોટમાં સામે આવ્યો છે, જેમાં દુબઈમાં બેસીને રચાયેલા કાવતરાના ભાગરૂપે રાજકોટની જાણીતી SP આંગડિયા પેઢીના બે કર્મચારીઓને હથિયારના જોરે બંધક બનાવી 50 લાખની ઠગાઈ આચરવામાં આવી છે. આ અંગે ક્રાઇમ બ્રાન્ચમાં ફરિયાદ નોંધાતા પોલીસે તાત્કાલિક બંને આરોપીઓને ઝડપી પાડી કાયદેસરની કાર્યવાહી હાથ ધરી છે.
5 લાખની લાલચ આપી લૂંટનું કારસ્તાન આચર્યું પોલીસ તપાસમાં આરોપીઓને આ પ્રકારે ગુનાહિત કાવતરું આચરવા માટે દુબઇ બેઠેલા શખસે પ્રેરણા આપી હોવાનું અને આ માટે કમિશન પેટે 5 લાખ મળશે એવી લાલચ આપી હતી, આ લાલચમા આવી આરોપીઓએ લૂંટનું કારસ્તાન આચર્યું હતું. ઉલ્લેખનીય છે કે, પકડાયેલ આરોપી પૈકી શબીર વિરુદ્ધ અગાઉ હત્યાની કોશિશ, આર્મ્સ એક્ટ અને જુગારના બે મળી કુલ 4 પોલીસ કેસ નોંધાઈ ચુક્યા હોવાનું સામે આવ્યું છે.
મારા બનેવી દુબઈમાં પૈસાની હેરફેરનું કામ કરે છે રાજકોટના કોઠારીયા મેઈન રોડ પર આવેલા વિવેકાનંદનગરમાં રહેતા અને સોની બજારની ‘એસ.પી. એન્ટરપ્રાઈઝ’ નામની આંગડિયા પેઢીમાં નોકરી કરતા વિરલ જશવંતભાઈ વ્યાસ (ઉ.વ.40)એ આ અંગે ક્રાઇમ બ્રાન્ચમાં ફરિયાદ નોંધાવી જણાવ્યું હતું કે, તેમના સાળા હિમાંશુભાઈના બનેવી વિમલભાઈ પાંધી દુબઈમાં રહી કમિશનથી પૈસાની હેરફેરનું કામ કરે છે.