રાજકોટ શહેરમાં ગાંધીગ્રામ અને ભક્તિનગર પોલીસ સ્ટેશનમાં નોંધાયેલા દારૂના ગુનાઓમાં છેલ્લા 2 વર્ષથી ફરાર પ્રશાંત ઉર્ફે પસો કિશોરભાઇ પરમાર (ઉ.વ.30)ને એલસીબી ઝોન 2 ટીમ દ્વારા ચોક્કસ બાતમીના આધારે ઝડપી પાડવામાં આવ્યો છે. પ્રશાંત ઉર્ફે પસા વિરૂદ્ધ અગાઉ રાજકોટ ક્રાઇમ બ્રાન્ચ, ભક્તિનગર, બી-ડિવીઝન, ગાંધીગ્રામ, યુનિવર્સિટી, માલવીયાનગર, એ-ડિવીઝન, પ્રદ્યુમનનગર, અને જિલ્લામાં ભાડલા પોલીસ સ્ટેશન ખાતે દારૂના 9 અને જાહેરનામા ભંગના 3 ગુના નોંધાઇ ચુક્યા હોવાનું પોલીસ તપાસમાં સામે આવ્યું છે.