માન્ચેસ્ટર ટેસ્ટમાં ભારત સામે ઇંગ્લેન્ડ મજબૂત સ્થિતિમાં છે. શુક્રવારે મેચના ત્રીજા દિવસે ટીમે ભારત પર 186 રનની લીડ મેળવી લીધી છે. સ્ટમ્પ સુધી, ઇંગ્લેન્ડની ટીમે પ્રથમ ઇનિંગમાં 7 વિકેટે 544 રન બનાવ્યા છે.
કેપ્ટન બેન સ્ટોક્સ 77 અને લિયામ ડોસન 21 રન બનાવીને અણનમ પરત ફર્યા. જો રૂટે 150 રનની ઇનિંગ રમી. તેમણે ઓલી પોપ (71 રન) સાથે 144 રન અને બેન સ્ટોક્સ સાથે અણનમ 142 રનની ભાગીદારી કરી. ભારતીય ટીમ તરફથી વોશિંગ્ટન સુંદર અને રવીન્દ્ર જાડેજાએ 2-2 વિકેટ લીધી. જસપ્રીત બુમરાહ, મોહમ્મદ સિરાજ અને અંશુલ કંબોજે એક-એક વિકેટ લીધી. ભારતીય ટીમ પ્રથમ ઇનિંગમાં 358 રનમાં ઓલઆઉટ થઈ ગઈ.
રૂટ (104 વખત) સૌથી વધુ 50+ સ્કોર બનાવનારા બેટર્સની યાદીમાં બીજા સ્થાને છે. તેણે આ બાબતમાં ભૂતપૂર્વ ઓસ્ટ્રેલિયન કેપ્ટન રિકી પોન્ટિંગ (103 વખત)ને પાછળ છોડી દીધો છે.