ગુજરાત રાજ્યના પાણી પુરવઠા બોર્ડ અને વાસ્મો દ્વારા ગામે-ગામ પૂરતા પાણીનું વિતરણ થાય તે માટે કાર્યરત હેડવર્કસ પર વોટર પંપ ઓપરેટરોને ખાસ તાલીમ આપવામાં આવી છે. જેમાં રાજકોટ જિલ્લાના 595 ગામોના 625 ઓપરેટરોને 17 બેચમાં પંપ ઓપરેટ કરવા માટેના સાધનો, તેની કામગીરી વગેરે વિષે વિસ્તાર પૂર્વકની પ્રેકટીકલ તાલીમ આપવામાં આવી હતી. તો, ગ્રામ્ય વિસ્તારોમાં પાણીની તપાસ માટે વાસ્મો દ્વારા હાલ સુધીમાં 575 ફીલ્ડ ટેસ્ટ કીટ વિતરિત કરી પાણીમાં બેકટેરીયા- રસાયણો વગેરેની તપાસણી કરવા અંગે તમામ ઓપરેટરોને વિશેષ તાલીમ આપવામાં આવી હતી.