જૂન મહિનામાં છૂટક ફુગાવો ઘટીને 2.10% થયો છે. આ 77 મહિનાનું સૌથી નીચું સ્તર છે. અગાઉ જાન્યુઆરી 2019માં તે 2.05% હતું. જ્યારે મે 2025માં તે 2.82% અને એપ્રિલ 2025માં છૂટક ફુગાવો 3.16% હતો.
ખાદ્ય ચીજવસ્તુઓના ભાવમાં સતત ઘટાડો થવાને કારણે છૂટક ફુગાવામાં ઘટાડો થયો છે. છૂટક ફુગાવાના આંકડા આજે એટલે કે 14 જુલાઈના રોજ જાહેર કરવામાં આવ્યા છે. ફેબ્રુઆરીથી છૂટક ફુગાવો RBIના 4%ના લક્ષ્યાંકથી નીચે રહ્યો છે.
ફુગાવાનો વધારો અને ઘટાડો ઉત્પાદનની માગ અને પુરવઠા પર આધાર રાખે છે. જો લોકો પાસે વધુ પૈસા હશે, તો તેઓ વધુ વસ્તુઓ ખરીદશે. વધુ વસ્તુઓ ખરીદવાથી વસ્તુઓની માગ વધશે અને જો પુરવઠો માગ મુજબ નહીં હોય, તો આ વસ્તુઓની કિંમત વધશે.