મ.સ.યુનિની કોમર્સની એટીકેટીની પરીક્ષામાં સફાઇ સેવકોને દર અડધા કલાકે બાથરૂમમાં ચેકીંગ કરવાની જવાબદારી અપાઇ છે, જેમાં તેમને 25થી વધુ કાપલીઓ મળી રહી છે. ગર્લ્સના વોશરૂમમાંથી પણ ઢલગાબંધ કાપલીઓ મળી રહી છે. ટીવાય બીકોમની એટીકેટીની પરીક્ષા ચાલી રહી છે.
પરીક્ષાના પ્રથમ દિવસે ડીન અને અધ્યાપકોએ જાતે જ કાપલીબાજોને પકડ્યા હતા. યુનિટ બિલ્ડિંગ અને મેઇન બિલ્ડિંગ પર ચાલી રહેલી પરીક્ષામાં વોશરૂમમાં પણ ચેકીંગ કરવામાં આવી રહ્યું છે. કોમર્સ ફેકલ્ટીના સત્તાધીશોની સૂચના પ્રમાણે વોશરૂમમાં સફાઇ સેવકોને મોકલીને કાપલી સહિતનું સાહિત્યને શોધવામાં આવી રહ્યું છે. દર અડધા કલાકના અંતરે સફાઇ સેવકો દ્વારા વોશરૂમમાં સફાઇ કરવામાં આવે છે જેમાં કાપલીઓ હોય તો તેને બહાર લાવીને ફેંકી દેવામાં આવી રહી છે. સફાઇ સેવકોને 20થી 25 જેટલી કાપલીઓ વોશરૂમમાંથી મળી રહી હોવાનું ફેકલ્ટી સત્તાધીશોએ જણાવ્યું હતું.